MAHARSHI SIVANANDA Jivani (ମହର୍ଷି ଶିବାନନ୍ଦଙ୍କ ଜୀବନୀ)

ସ୍ୱାମୀ ଶିବାନନ୍ଦଙ୍କ ଭାବନା, ବାକ୍ୟ ଓ କାର୍ଯ୍ୟରେ ଶକ୍ତିଥିଲା  । କାରଣ ସେ ଯାହା କହୁଥିଲେ ତା’ଠାରୁ ଅଧିକ ଆନ୍ତରିକତାର ସହ କାର୍ଯ୍ୟରେ ପରିଣତ କରୁଥିଲେ  । ଏହା ଥିଲା ସତ୍ୟର ବଳ  । ଏହା ଥିଲା ସେବା, ପ୍ରେମ ଓ ପବିତ୍ରତାର ବଳ  । ଏହାହିଁ ଈଶ୍ୱରୀୟ ଶକ୍ତି ଯାହାକି ସମସ୍ତଙ୍କ ମଧ୍ୟରେ ଅନ୍ତର୍ନିହିତ ହୋଇରହିଛି, ଯାହାକୁ ସେ ନିଜେ ପୂର୍ଣ୍ଣମାତ୍ରାରେ ବିକାଶ କରିଛନ୍ତି ଓ ଅନ୍ୟମାନଙ୍କୁ କରିବାକୁ ପ୍ରେରିତ କରିଛନ୍ତି ଓ ରାସ୍ତା ବତାଇଛନ୍ତି  । ସେ ହତୋତ୍ସାହ ହୋଇପଡ଼ିଥିବା ବ୍ୟକ୍ତିକୁ ଆଶାର ଆଲୋକ ଦେଇଛନ୍ତି, ଦିଗହରା ବ୍ୟକ୍ତିକୁ ଚାଲିବାର ବାଟ ବତାଇଛନ୍ତି ଓ ପତିତ ଉଦ୍ଧାର କରିଛନ୍ତି  ।
ବୁଦ୍ଧଦେବଙ୍କ ପରି ସ୍ୱାମୀ ଶିବାନନ୍ଦ ପ୍ରତିଜ୍ଞା କରିଛନ୍ତି ଯେ ଆମ୍ଭମାନଙ୍କ ଭିତରୁ କେହି ଜଣେ ହେଲେ ମଧ୍ୟ ଯେ ପର୍ଯ୍ୟନ୍ତ ସଂସାରରୁ ମୁକ୍ତ ନ ହୋଇଛନ୍ତି, ସେ ପର୍ଯ୍ୟନ୍ତ ଆମ୍ଭଙ୍କୁ ସେ ସାଧନା ପଥରେ ଦିଗ୍‌ଦର୍ଶନ ଓ ପ୍ରେରିତ କରିଚାଲିବେ ଏବଂ ପରମାତ୍ମାଙ୍କ ମଧ୍ୟରେ ସମାବିଷ୍ଟ ହେବା ପରେ ଯେଉଁ ଆନନ୍ଦ ମିଳୁଛି, ତାହାକୁ ମଧ୍ୟ ତ୍ୟାଗ କରିବେ  । ଯଦି ଜଣେ ତାଙ୍କଠାରେ ପୂର୍ଣ୍ଣମାତ୍ରାରେ ବିଶ୍ୱାସ ସ୍ଥାପନ କରେ, ସେ ଏବେବି ଏହାର ସତ୍ୟତା ଉପଲବ୍ଧି କରିପାରିବ, ଏବେ ବି ତାଙ୍କର ପ୍ରତ୍ୟକ୍ଷ ଉପସ୍ଥିତିକୁ ଅନୁଭବ କରିପାରିବ  । ତେଣୁ ଏହା ଆମ୍ଭମାନଙ୍କର ପରମ ସୌଭାଗ୍ୟ ଯେ ପ୍ରତ୍ୟେକ ଜନ୍ମରେ ଆମ୍ଭେମାନେ ତାଙ୍କର ଶିଷ୍ୟ ଓ ପଦ ଅନୁସରଣକାରୀ ହୋଇରହିବା  ।

— ସ୍ୱାମୀ ରାମାନନ୍ଦ ସରସ୍ୱତୀ