BHAGABAN BUDDHA ଭଗବାନ୍‌ ବୁଦ୍ଧ

ଗୌତମ ବୁଦ୍ଧଙ୍କ ପ୍ରଚାରିତ ଧର୍ମର ନାମ ହେଲା ବୌଦ୍ଧଧର୍ମ । ଯେତେବେଳେ ଧର୍ମର କ୍ଷେତ୍ରଟି ଅବନମିତ ହେବାକୁ ଲାଗିଲା ଏବଂ ଅର୍ଥହୀନ ଆଚାର ସର୍ବସ୍ୱରେ ପୂରିଉଠିଲା, ସେତିକିବେଳେ ବୁଦ୍ଧଙ୍କର ଆବିର୍ଭାବ ହୋଇଛି । ସଂସ୍କାର କରାଇବା ଅବତାରଙ୍କର ପ୍ରକୃତ କର୍ମ । ଯେତେବେଳେ ବ୍ୟବହାରିକ ଧର୍ମରେ ବ୍ୟତିକ୍ରମ ଦେଖାଯାଏ ସେଥିରେ ସୁଧାର ଆଣିବା ପାଇଁ କାଳେ କାଳେ ଅବତାରମାନେ ଧରାବତରିତ ହୋଇଛନ୍ତି । ତାଙ୍କ ଆବିର୍ଭାବରେ ଜୀବ ଯେ କେବଳ ନୂତନ ସଂସ୍କାର ଲାଭକରେ ତାହା ନୁହେଁ ବରଂ ନୂତନ ଏକ ଆଶାର ସଂଚାର କରାଏ । ଏହି ବୌଦ୍ଧଧର୍ମଟି ଥିଲା ଆଚାର ସର୍ବସ୍ୱ ତଥା ମୁକ୍ତ । ଦେଖିବାକୁ ଗଲେ, ବୁଦ୍ଧ ନିଜେ କୌଣସି ନିଜସ୍ୱ ଧର୍ମକୁ ଉପସ୍ଥାପନ କରିନାହାଁନ୍ତି, ତାଙ୍କ ପ୍ରଚାରିତ ଧର୍ମ ଅତ୍ୟନ୍ତ ପ୍ରାଚୀନ ଏବଂ ଅପରିହାର୍ଯ୍ୟ । ସେ ଉକ୍ତ ଧର୍ମକୁ ଜଡତା ତଥା ପ୍ରାଚୀନତାର ଆବରଣରୁ ମୁକ୍ତ କରାଇ ବ୍ୟବହାରିକତାର ସ୍ପର୍ଶ ଦେଇଛନ୍ତି । ଏହା କୌଣସି ଅନୁଶାସନ ଅବା ପ୍ରାଚୀନ ଶିକ୍ଷା ଦ୍ୱାରା ସଂଚାଳିତ ନୁହେଁ । ଯଦି ଦେଖ କି, କୌଣସି ଶିକ୍ଷା ହିତକାରୀ ନୁହେଁ ଏବଂ ବାସ୍ତବ କ୍ଷେତ୍ରରେ ତାହା କ୍ଷତିକାରକ ଅବା ଦୁଃଖକୁ ଡାକିଆଣେ — ତାହା ହେଲେ ତାକୁ ପରିତ୍ୟାଗ କରିଦେବା ଦରକାର । ଏହା ହିଁ ବୁଦ୍ଧଙ୍କର ମୂଳ ଉଦ୍ଦେଶ୍ୟ ।