Adarsha Charitra Samgraha ଆଦର୍ଶ ଚରିତ୍ର ସଂଗ୍ରହ

ଆଦର୍ଶ ଚରିତ୍ର ସଂଗ୍ରହ 69ଟି ଚରିତ୍ରର ସ୍ୱତନ୍ତ୍ର ସମାହାର । ଏଥିରେ ଜୀବନୀ ଉପରେ ଯେତିକି ମହତ୍ତ୍ୱ ଦିଆଯାଇଛି, ତତୋଽଧିକ ତାଙ୍କର ଶିକ୍ଷାକୁ ଗୁରୁତ୍ୱ ଦିଆଯାଇଛି । ସନ୍ନିବେଶିତ ଶୀର୍ଷକଗୁଡ଼ିକ ଅତି ସରଳ ଓ ସାବଲୀଳ ଢ଼ଙ୍ଗରେ ପ୍ରସ୍ତୁତ କରାଯିବା ଲେଖିକାଙ୍କର ଅନନ୍ୟତା ଅଟେ । ଏହାକୁ ସେ ତାଙ୍କ ଶିକ୍ଷକତା ସମୟରେ ଅଭିଜ୍ଞତାରୁ ନିଶ୍ଚୟ ଆହରଣ କରିଛନ୍ତି, ଯାହାକୁ ସେ ଏହି ପୁସ୍ତକ ମାଧ୍ୟମରେ ଉପସ୍ଥାପନ କରିଅଛନ୍ତି । ଚରିତ୍ର ସବୁ ଏତିକିରେ ସୀମିତ ନ ହେଲେ ବି କତିପୟ ବିଶେଷ ଚରିତ୍ର ଏଥିରେ ସ୍ଥାନପାଇଛି, ଯେଁ ଗୁଡ଼ିକ ଅନନ୍ୟ ସାଧାରଣ ।
ଏପ୍ରକାର ପୁସ୍ତକକୁ ବିଦ୍ୟାଳୟରେ ପ୍ରଚଳନକରାଇ ବାଳକ-ବାଳିକାମାନଙ୍କ ଚରିତ୍ର ଗଠନରେ ଆଦର୍ଶବାଦର ସ୍ପର୍ଶ ଦିଆଯିବା ସହିତ ଶିକ୍ଷକ-ଶିକ୍ଷିକାମାନେ ନିଜ ନିଜର ନୈତିକ ପରିସୀମାକୁ ମଧ୍ୟ ବୃଦ୍ଧି କରିପାରିବେ । ସୁତରାଂ ଆତ୍ମିକ ମୂଲ୍ୟବୋଧ ବୃଦ୍ଧି ନିମନ୍ତେ, ପିତା-ମାତା ଓ ଗୁରୁଜନମାନେ ଏହି ପୁସ୍ତକଟିକୁ ଅନୁମୋଦନକରି ସନ୍ତାନ ସନ୍ତତିମାନଙ୍କର ଚରିତ୍ର ମାର୍ଜିତ କରିବାରେ ସହାୟକ ହୁଅନ୍ତୁ ।
— ପ୍ରକାଶକ